ORGANIZMDA YO’D YETISHMOVCHILIGI ASORATLARI VA UNI DAVOLASH TADBIRLARI

Abstract

Mineral moddalarning tirik organizm faoliyatida fiziologik ahamiyati beqiyosdir[1]. Ular oqsillar, skelet suyaklari, fermentlar va gormonlar tarkibiga kiradi. Organizmdagi mineral moddalarning umumiy miqdori, tana og’irligining 4,5% ini tashkil etadi, ularning 60% ti suyaklar tarkibida bo’ladi. Mineral moddalar organizmdagi barcha funksiyalarni mo’tadil bajaralishini ta’minlaydi. Mineral moddalarning ionlari to’qima va qonning osmotik bosimini, ishqor-kislota muvozanatini va faol reaksiyasining  doimiyligini ta’minlaydi. Ular asab tizimi faoliyati, qon ivishi, so’rilish, gazlar almashinuvi, sekretsiya va ayiruv jarayonlari uchun juda zarurdir.