MUQADDAS MANZILLAR TASVIRI (NAVOIY FURQAT VA ABDULLA ORIPOV IJODI MISOLIDA)

Maqolada buyuk shoir va mutafakkir Alisher Navoiy, garchi haj ziyoratiga bormagan bo‘lsa ham, “Layli va Majnun” dostonida Majnunning Ka’ba ziyoratiga borgani munosabati bilan bu muqaddas maskanni yuksak badiiyat bilan tasvirlagani tadqiq qilingan. Zokirjon Furqatning “Hajnoma” va Abdulla Oripovning “Haj daftari” turkumlarida ayni mavzuning o‘ziga xos badiiy talqin etilgani isbotlangan. Har ikki shoir buyuk salafi Alisher Navoiy an’analarini yangilay olgani, ushbu mavzuni teran ma’rifiy mazmun va ohorli badiiy tasvir uyg‘unligida o‘ziga xos ifodalay bilgani misollar asosida tahlil etilgan.